[09.09.2010] Студентите од оваа година покрај полагањето на задолжителните испити ќе мора 30 дена да посетуваат пракса за да поминат во следното универзитетско ниво.

[09.09.2010] Околу 150 македонски војници ќе учествуваат во борбената група на Европската Унија која треба да стане оперативна од втората половина на 2012-та година.

[09.09.2010] Ова е еден од новите огласи со кои власта продолжува со вработувањето на ангажираните на определено време и покрај најавите од Брисел дека ќе се следи со внимание секое ново вработување на неопределено во јавната администрација - политички независна администрација побара Европската Комисија во претходниот извештај.

[09.09.2010] Со утринската молитва Бајрам - намаз, во новата Кади чешма џамија во тетовска Мала Речица, муслимански верници го одбележаа крајот на светиот месец Рамазан и едномесечниот пост.

[09.09.2010] Последни обиди свештеникот Тери Џонс од американската христијанска црква на Флорида да се убеди да не го организира палењето на светата муслиманска книга куранот на 11-ти септември, годишнината од нападот на САД.

[08.09.2010] 48-годишниот Ристо Чуркоски од Струга е првиот кајакар во светот што го освои Охридско езеро, превеслувајќи 90 километарска водна патека во Македонија и Албанија за само осум ипол часа. Овој досега единствен подвиг е подарок на Чуркоски за празникот за независноста на Македонија .

[08.09.2010] Невработеноста и вода за пиење се уште се главни проблеми во единствената македонска општина во Албанија, Пустец. Од мала сиромашна општина во последниве две години започна да наликува на урбана средина.

[08.09.2010] Во МОТ ќе се одржи свечената академија. За 19-те години независност, за 19-те години премрежја, падови успеси, ќе говори претседателот на Собранието, Трајко Вељаноски, ќе говори првиот човек на институцијата каде што се донесени речиси сите историски одлуки за Р.Македонија меѓу кои и онаа на осми септември 1991-ва година да се излезе на референдум и граѓаните да го кажат својот глас за иднината на Р.Македонија.

[08.09.2010] Партиски активисти на ВМРО-ДПМНЕ пишуваа невкусни пораки на платното кое новинарите го поставија на плоштадот. Овие лица стоеја отстрана и на секоја примена смс порака трчаа кон платното и пишуваа оти новинарите се платеници на Бранко Црвенковски, а за сето ова крива била А1 телевизија и Велија Рамковски.

[08.09.2010] И американскиот тениски грен слем е пред возбудлива завршница. Шпанскиот осминафинален дел на турнирот за меѓусебна пресметка победнички го минаа Надал кој со лесни 3:0 беше подобар од Лопез и Вердаско кој во пет сета го совлада Ферер.