„Комити“ гневни на резултатите на својот тим

Фудбалерите на Вардар се нападнати од својата навивачка група „Комити“ на превојот „Стража“ помеѓу Кичево и Гостивар по враќањето од гостувањето кај Напредок каде одиграа само 1:1, продолжувајќи ја мизерната серија од 10. натпревари по ред без победа.

Според информациите, фановите на Вардар незадоволни од играта и од резултатот, се решиле да се пресметаат со фудбалерите, по што автобусот со кој играчите се враќале од ова гостување бил целосно искршен.

По овој инцидент, претседателот на Вардар, Трифун Костовски веднаш реагираше и се закани дека ќе си замине од екипата доколку не се расчистат работите, а најави дека ќе биде свикана и прес конференција на која ќе ги објасни последните случувања.

Неофицијално, и тренерот Милко Ѓуровски најави заминување од клупата се додека екипата не се стабилизира. Овие денови ќе го дадат одговорот што ќе се случува со "Црвено-црните" иако работата според последните настани не кажува дека ќе оди на добро.

Екипата западна во сериозна резултатска криза, која го навлече гневот кон навивачите кои се решија врз фудбалерите да искажат своето незадоволство од играта на Вардар.

Верзија за печатење

Прати по e-mail

Разгласи