Охридското Езеро и пештерите кај Матка во втор круг за светски чуда

Ирина Гелевска	Коментари (7)

Охрид

Два од три македонски предлози за ново светско чудо на природата се пласираа во вториот круг на изборот.

Меѓу 261 предлог од целиот свет, во потесниот избор за ново светско чудо се избрани Охридското Езеро и пештерите Врело кај Матка.

„Мислам дека е многу возбудливо за Македонските граѓани што имаат два предлози за ново светско чудо на природата, Охридското Езеро и пештерите Врело, кои се пласираа во втората фаза од изборот. Ги охрабрувам сите во Македонија да гласаат бидејќи ова е клучна фаза од изборот. Првите 77 предлози ќе се најдат во финалето на изборот меѓу 21 финалист. Сега е важно македонските предлози да се пласираат меѓу првите 77 кандидати и ова е шанса очите на светото да се свртат кон Македонија“, изјави Тиа Виеринг, претставник на организаторот.

Организатор на изборот на нови светски чуда на природата е невладината организација „Нови светски чуда на светот’’ од Швајцарија.

Изборот започна во 2007. година, при што беа кандидирани 441 природна убавина од целиот свет. Македонија се вклучи дури минатата година и успеа да влезе во четвртфиналето со дури два предлози.

За македонските кандидати ќе можете да гласате на интернет страницата на организаторот www.new7wonders.com/hp до 7-ми јули оваа година, кога жири предводено од Федерико Мајор поранешен претседател на УНЕСКО, ќе избере 21 финалист од првопласираните 77 кандидати.

7-те Победници ќе бидат избрани во 2011. година и тие ќе ја поделат славата со современите седум чуда направени од човекот: Кинескиот ѕид, Колосеумот, Таџ Махал, статуата Исус Христос, градот Петра, пирамидата Чичен Ица и загубениот град на Инките Мачу Пикчу.

За печатење

Прати по e-mail

Порака до авторот

Разгласи