Малолетничка од Кавадарци силувана три пати

Владимир Тевчев	Коментари (4)

32-годишниот Тони Јованов од кавадаречкото село Крњево е осомничен дека во три наврати извршил полов напад врз 13-годишно девојче од Кавадарци. Според полицијата, осомничениот последен пат сексуално го злоупотребил малолетното девојче на 4. септември годинава, кога ја пречекал пред училиштето каде таа учела.

„Со неговиот моторцикл и предложил да заминат во с. Крњево, во домот на неговата мајка, каде што тој повремено престојувал. Некаде во 20 часот, по пристигнувањето во с. Крњево, во една од просториите во куќата, извршил обљуба врз истата“, изјави Димитрија Андонов, портпарол на СВР Велес.

Во распитот пред кавадаречката полиција, Тони признал дека претходно, во јуни и во август годинава, тој уште два пати го обљубил девојчето.

Ден пред последната злоупотреба, родителите на малолетничката пријавиле дека нивната ќерка исчезнала. Полицијата почнала да го следи Тони, а трагата ги навела во куќата на неговата мајка во селото Крњево, каде го нашле девојчето.

Против Тони Јованов МВР поднесе кривична пријава за полов напад врз дете.

Сепак, истражен судија не го прифати барањето за притвор.

Од полицијата велат дека осомничениот бил познат деликвент, кој и порано извршувал слични дела, а бил пријавуван и за лажно претставување и измама.

За печатење

Прати по e-mail

Порака до авторот

Разгласи