Доаѓаат шкотските навивачи

Елена Ацевска	Коментари (2)

На три дена пред натпреварот Македонија - Шкотска, во Скопје вистинска шкотска инвазија. Шкотланѓаните воодушевени од Македонија. Им се допаѓа климата, пивото, љубезните домаќини. Некои од нив дошле и со семејствата да навиваат за својата национална фудбалска репрезентација.

На кејот на Вардар и скопските пабови може да се видат традиционални карирани килтови, откачени фризури во националните бои, во добро расположение со чаша македонско пиво, иако можат да пијат и домашно.

„Прекрасно е времето, а и прв пат пробав македонско пиво. Воопшто не е лошо. Многу е убаво, има добри и љубезни луѓе, среќен сум што сум овде“, рекоа навивачите на Шкотска.

Иако се страсни навивачи за Шкотска, сепак велат дека и Македонија не е за потценување, особено зошто на нашата репрезентација нема да и пречи топлата клима. Типуваат, сепак, на победа за Шкотска.

„2:1 за Шкотска. Претопло е за Шкотланѓаните да играат. Јас би рекол 1:1“, прогнозираа Шкотланѓани.

Откако го открија македонското пиво, по прилогот Шкотланѓаните се заинтересираа и за вестите.

„Во 7? Ќе гледам ако не сум премногу пијан“, рече навивач.

Шкотските навивачи засега се добри гости. Вечерва се очекува нивниот број да се зголеми за уште 2.000, кои специјален лет со својата репрезентација ќе пристигнат од Шкотска.

За печатење

Прати по e-mail

Порака до авторот

Разгласи