Силни аплаузи и овации за „Танец“ во Овчарани

Горан Момировски	Коментари (1)

Силни аплаузи, овации и воодушевена публика на прославата на Свети Илија во Овчарани, во Леринско.

Ансамблот за народни песни и ора „Танец“, чии членови денес беа третирани како ситни криминалци на граничниот премин Меџитлија од страна на грчките погранични власти, сепак успеа да ја вжешти атмосферата со повардарие, тресеница и други ора карактеристични за Македонците, без разлика дали се наоѓаат во Република Македонија или северна Грција, т.н. Егејска Македонија.

Во врска со безбедноста, нема никаква најава или информација за присуство на радикални националистички грчки структури.

Иако тие денеска низ Лерин дистрибуираа летоци со барање северната грчка граница да биде не на македонска туку на српската граница, сепак ги нема во Овчарани и засега атмосферата е мирна.

Единствениот обид да се наруши прославата на Илинден е она силно озвучување коешто е поставено во близина на бината каде што настапува „Танец“.

Имено, од ова озвучување се слушаат со голема јачина типично традиционални националистички песни коишто се користат кога т.н. грчки патриоти сакаат да ги нападнат Македонците и другите коишто живеат во Грција, а коишто ги бараат своите основни човекови права.

За печатење

Прати по e-mail

Порака до авторот

Разгласи