Јово Вангеловски е нов претседател на Врховен суд

Миле А. Ристески	Коментари (1)

Јово Вангеловски

Јово Вангеловски, последниот избран судија во Врховниот суд, од денеска е и нов Претседател на судот. За многумина очекувано, Вангеловски вели дека е изненаден од изборот.

За него претседател на Врховниот суд е предизвик, со кој може да се носи.

„Судството е независно, поставено е според Уставот, а се надевам дека во текот на мојот мандат ќе се уверите дека независноста на судството, и во тие извештаи коишто ги споменувате, ќе биде токму така дефинирано, како независно“, вели Јово Вангеловски, претседател на Врховен суд.

Седницата на судскиот Совет била свикана во последен момент, иако сите членови веќе се на годишен одмор. Работата трпела, тврди Бекир Исени, кој негира политички притисоци при изборот на Јово Вангеловски.

За новиот претседател на Врховен гласале сите 11 члена на Советот.

„Сите гласаа за него. Од тоа може да се заклучи дека нема никакво влијание или пак, дека гласањето е партиско“, рече Бекир Исени, претседател на судски Совет.

За местото претседател на Врховен, покрај Вангеловски конкурираше и судијата Николче Николовски, и двајцата блиски до владејачката ВМРО-ДПМНЕ.

Јово Вангеловски во мај беше избран за Врховен судија. Тогаш и започнаа шпекулациите дека тој ќе е новиот претседател на судот.

По неуспешниот обид за избор во понеделникот, денешната расправа во судскиот Совет траеше само еден час.

За печатење

Прати по e-mail

Порака до авторот

Разгласи