СБ: Битола најефикасна за водење бизнис

Пеце Стефановски	Коментари (1)

Зоран Ставрески

Битола е најдобра во ефикасноста за водење бизнис во конкуренција на 22 градови од седум земји на Југоисточна Европа, кои меѓусебно се споредуваат во надлежностите на локалните власти.

Ова денеска беше соопштено од страна на претставниците на Светската банка, при презентацијата на првиот регионален и локален „дуинг“ бизнис извештај за ЈИЕ, што се одржа во Битола.

„Од градовите во регионот, ние сме пресреќни што Битола е рангирана на прво место од 22 града во ЈИЕ“, изјави Џејн Арметич, директор на Светска Банка за ЈИЕ.

Ова е второ признание што Македонија го добива од Светска банка во реформирањето на бизнис климата.

„Тоа е многу добар сигнал за сите инвеститори во земјата и странство дека условите за инвестирање во Битола се добри“, рече Зоран Ставрески, вицепремиер за економски прашања.

Битолчани не го криеја своето задоволство што градот на културата станува и привлечна дестинација за инвеститори.

„Градот којшто е познат како град на конзулите, град на културата, убаво е да се чуе дека е број еден и во делот на бизнисот“, вели Владимир Талевски, градоначалник на Битола.

Република Македонија во „дуинг“ бизнис извештајот на Светска банка беше рангирана на четврто место од десетте топ реформатори, во конкуренција на 178 земји, а признанието за Битола потврдува дека се интензивираат и локалните реформи.

За печатење

Прати по e-mail

Порака до авторот

Разгласи