Парното ќе поскапи за околу 60%

Парното греење поскапува приближно за 60%. Регулаторната комисија за енергетика најдоцна до понеделник ќе одлучи точно за колку ќе се зголеми цената.

Неверојатниот раст на цената на мазутот од речиси три денара, како и одлуката на Уставниот суд дека регулаторите не смееле ретроактивно да ја зголемуваат цената на парното греење, ќе го предизвикаат овој енормно висок раст на цените за парното.

Ниту „Топлификација“ А.Д. Скопје, ниту регулаторите не ги демантираат овие информации за ова најголемо поскапување досега на парното греење.

Цената мазутот, трошоците за работење, како и очекуваниот раст на цената на природниот гас за околу 14,5% се клучните двигатели за огромното зголемување.

Цената на мазутот денеска изнесува 38 денара. Во споредба со лани, кога цената изнесуваше 23,5 денара, тоа е зголемување на цената за 62%.

Ваков раст на цената на мазутот досега не е регистриран во Македонија. Овој енергенс е клучен за производство на топлинска енергија.

Неофицијално, дознава А1, доколку парното греење се зголеми за помалку од 60%, можно е „Топлификација“ А.Д. Скопје во октомври, кога и започнува грејната сезона, да прекине со производство и испорака на топлинска енергија. Причината е токму скапиот мазут.

Од лани „Топлификација Битола“ не работи, бидејќи немаше финансиски средства за набавка на мазут.

Сега, според информации на А1, се доведува во прашање и работата на „Топлана Запад“, која работи исклучиво на мазут.

Единствен снабдувач на мазут во Македонија засега е скопската рафинерија „ОКТА“. Експертите веќе апелираа за побрза либерализација во овој пазар.

Напишете ваш коментар	Правила за коментарите!
Име (задолжитело)
Место
E-mail

1.	kate од skopje на 08.07.2008 во 19:05 напиша:
abe dali ste normalni 60%?ova ne e dobro,pa kako ke imaat lugeto da plakaat?vladata neka reagira da ne se pokacuva cenata na parnoto ili crno ni se pisuva,a tie od okta treba da stavaat ceni spored makedonskite standardi ako otvorile fabrika vo Makedonija a ne po svetski,nie nemozeme da izdrzime svetski ceni so akedonski plati,ja povikuvam vladata da poraboti na ekonomskata sostojba vo zemjata i protiv siromastijata,graganite da protestiraat protiv skapiot zivot i cenite kako sto protestiraat vo celiot svet

2.	Oliver на 09.07.2008 во 12:24 напиша:
Pa posle Makedonija ke se cudi zosto makedoncite emigrirale! E pa ne da emigriraat tuku ke begaat na sekoj mozen nacin zasto ova veke ne se trpi sve e poskapeno i ima tendencija na uste pogolemo poskapuvanje! Pa treba nekoj da im kaze stop na ovie kostapleri vo Makedonija! A sto se slucuva so platite, ne se zgolemeni ni eden procent,pa lugeto vo Makedonija veke se osekaat kak ovo Afrika zatoa sto se trpi za leb a ne covek da moze da si dozvoli i drugi osnovni potebi!Nekoj den Makedonija ke sfati deka im treba makedonskiot narod i ke moli da se vratat ama togas ke bidi kasno!

3.	Горан од Скопје на 09.07.2008 во 17:28 напиша:
Доколку цената на парното поскапи за 60%, тогаш тоа ќе значи тотален колапс на семејните буџети, а за одредена категорија на граѓани и целосна катаклизма. Јас разбирам дека цената на нафтата дивее, но ваков ценовен шок не само што ќе влијае директно на домаќинствата туку и индиректно од поскапувањата кои фирмите ќе ги испорачаат поради зголемувањето на греењето на деловните простории. Подобро е да државата најде начин од зголемените приходи од нафтените акцизи некако да го субвенционира мазутот за топлификација, како цената или би била задржана на старо или со минимално поскапување.