Пронајдени штитови на кралот Деметриј
27.12.2007 20:01
 | | Душко Темелковски | | | |
Пронајдените штитови на кралот Деметриј кај селото Бонче, се највалидниот доказ дека на овие простори постоела македонската држава. Според археологот Душко Темелковски, кој ги пронајде штитовите, странските археолози кога ги виделе, па дури и грчките, без сомневање прифатиле дека се работи за македонски штитови. „Нашите колеги кои беа дури и од Грција овие наоди и нивното презентирање од наша страна беше прифатено можна најкоректен начин, онака како е нормално, се прифаќа и од нивна страна дека на оваа територија, која тогаш не постоела границата денешна, била Македонија“, изјави Душко Темелковски, археолог. Беше презентирана и книга за штитовите. 150-те делови од нив се наоѓаат во музејот во Охрид. Кога ќе се реставрираат, за прв пат во светот ќе може да се види како комплетно изгледал штитот на македонската фаланга. Делови од нив се уште има кај мештаните од селото Бонче. „Тие ги кријат, не сакаат да ги дадат, не од аспект дека некаде сакаат да ги продадат во странство, туку се плашат ако ги кажат да не имаат некакви последици“, додаде Темелковски. Се претпоставува дека во Бонче и на врвот Висока над селото, можно е да се наоѓа четвртата престолнина на Македонија, градот Пелагонија. „Индициите за постоењето на Пелагонија, значајниот град Пелагонија не се без основа, независно дали е тоа локалитетот Висока или некој друг локалитет на овој простор“, вели Бранислав Ристески, Институтот за старословенска култура. Според експертите, држава итно треба да оддели средства за истражување на овој локалитет, кој може да го даде крунскиот доказ за нашиот идентитет.
|