Нема да има работна група за Ваксинце
19.09.2007 00:00
 | | Влатко Ѓорчев | | | |
Нема да има собраниска работна група која треба да го расветли инцидентот во Ваксинце, во кој животот го загуби командирот на полициската станица Фатмир Алили, двајца полицајци беа ранети, а загина и еден од напаѓачите Скендер Алили и беше ранет неговиот брат Заим Алили, кој потоа илегално преку граница беше пренесен на Косово. „Констатирам дека предлог заклучокот на господинот Јован Манасијевски не е прифатен. Со мнозинство гласови е прифатен извештајот од Министерот за внатрешни работи“, изјави Влатко Ѓорчев, претседател на Комисија за одбрана. Многу прашања останаа неодговорени. Пратениците бараа од министерката да каже дали се работело за полициска акција или патрола и зошто според нивните сознанија, загинатиот полициски командир и напаѓач биле застрелани од ист вид на оружје.  | | Есад Рахиќ | | | |
„Кој пукал? Токму затоа и ве прашав дали е патрола, дали е акција. Ако е патрола, што барал командирот Фатмир Алили во 10 часот да го викаат од свадба, да биде таму? Ако е акција, прво, зошто е така направена, да биде успешна или неуспешна, тоа времето ќе покаже“, рече Есад Рахиќ, пратеник. „Уште неколку часа по настанот јас одговорив дека се работи за полициска патрола“, вели Гордана Јанкуловска, министер за внатрешни работи. Можеби случајот ќе биде повеќе расветлен по враќањето на ранетиот напаѓач Заим Алили во Македонија. Тој се уште е во болница во Приштина и е во состојба да биде транспортиран, а дали ќе биде екстрадиран ќе решава Одделот за правосудство на УНМИК на крајот од седмицава.
|