Секоја трета жена во Македонија е жртва на семејно насилство

Билјана Ставрова	Коментари (0)

Секоја трета жена во Македонија е жртва на семејно насилство, а секоја шеста на оружено насилство. Ова се податоците од последното истражување на невладината „Новинарите за права на жени и деца“.

Во споредба со минатата година, забележан е пад на насилството поради помалото количество на илегално оружје кај граѓаните.

„Оруженото насилство врз жената можело да се спречи во над 60% од случаите, доколку полицијата интервенирала навреме“, изјави Наташа Доковска, НВО „Новинарите за права на жени и деца“.

Потребна е едукација кај жените, бидејќи заедно со нив и децата од најрана возраст се жртви на насилство.

„Жената да биде малку похрабра во спротивставувањето, дома да се поседува оружје, затоа што знаеме дека често пати мажот дома носи оружје, го крие, и кажува на жената или не и кажува“, рече Доковска.

Во Европа секоја 92-ра жена од 100 е жртва на насилство. Во САД, пак, поседувањето на оружје во домот за жената го зголемува ризикот за смрт за три пати. Во Јужна Африка на секои шест часа има убиство врз жена.

За печатење

Прати по e-mail

Порака до авторот

Разгласи