Јавните локални радио станици бараат враќање на стариот статус
30.03.2007 00:00
Јавните локални радио станици во Македонија побараа враќање на стариот статус во новиот Закон за Радиодифузија и Електронски комуникации. Ваквото барање е упатено од синоќешната седница на Здружението одржано во Струга, на кое присуствуваа претставници на 29 јавни локални радио станици. Според претседателката на Здружението на ЈПРС, Јорданка Дојранлиева, на вчерашната седница е изнесена оценката дека процесот на приватизација кој треба да заврши на до крајот на месец мај, наидува на големи проблеми. Со оглед дека јавните локални радио станици, воопшто не се спомнуваат во нацрт верзијата на Предлог законот и дополнувања за Законот за радиодифузија , здружението подготви Амандмани, во кои повторно се бара 29 те јавни локални радио станици да го задржат јавниот статус, како и стопирање на роковите за приватизација Состојбата во јавните локални радио станици е мошне тешка. Над 80 насто од околу 300 те вработени, немаат добиено плати, а не им се исплатени ниту здравствено ниту пензиско осигурување.
|