Цека: Ископувањата на Кале не треба да се инструмент на политиката

Александра Бубевска	Коментари (0)

Неритан Цека е еден од најпознатите албански археолози, експерт за Илирско-дарданската култура.

За најновите истражувања на скопската тврдина Кале и обвинувањата на невладината „Разбуди се“ и некои медиуми, дека македонските археолози имаат намера да скријат артефакти од Илирско-дарданската култура, Цека за А1 изјави дека е добро е да се ангажираат албанци археолози, но не за да ги контролираат своите колеги македонци, не верувам дека во овој случај науката може да се употреби во дневно политички цели, рече тој.

„Калето е релативно нова градба во историјата на Скопје, потекнува од 9 век, иако се користени камења и натписи од римскиот период. Потребно е да се направат истражувања и во подлабоките археолошки пластови на средновековно Скопје, кое има потекло од државата Дарданија, каде што во овој дел на денешната територија на Македонија имаше дел од Илирската држава на Дарданите“, изјави Неритан Цека, археолог.

„Предлагам да се воспостави триаголник на соработка меѓу Скопје, Тирана и Приштина, зашто научниците треба да имаат предвид дека далечната историја не е историја на современите држави, археолошките наоди треба да ги рефлектираат односите од тоа време. Цела оваа дебата би требало да се ориентира кон она што не зближува и заедничките интереси, а не кон предрасудите создадени во минатото, кога археологијата била инструмент на политиката“, додаде Цека.

Пред една недела почнаа археолошките ископувања на тврдината Кале. Ќе траат до август, по што ќе следи фаза на нивна реконструкција и заштита.

За печатење

Прати по e-mail

Порака до авторот

Разгласи