Со булдожер во партиски штаб започна кампањата
15.06.2006 00:00
Со булдожер во партиски штаб, украдени изборни материјали, обвинувања, партиски знамиња на јарболите за државни празници, вака започна изборната кампања. Во Сарај ноќеска непознати со булдожер се обиделе да го урнат штабот на ДУИ. Ги украле сите знамиња кои ДУИ ги поставил на бандерите. Од партијата се сомневаат дека нивните политички конкуренти се вандалите. „12 часа од свеченото потпишување на кодексот за фер однесување односно за фер и демократски избори, во многу места претежно во Тетово и тетовско и во Сарај скопско се случија тешки инциденти“, изјави Џавад Адеми. ДПА пак тврди ДУИ сами си наштетуваат. Работат со полицијата за да создадат притисок врз гласачите. „Присуството на специјалните единици на полицијата во овие предизборни случувања заедно со бандите и криминалните групи на ДУИ заеднички ставиле пропаганди материјали“, рече Џелил Бајрами од ДПА. Албанските партии и нивната машинерија во агресивна кампања за добивање глас повеќе ги користат сите методи. Општина Чаир е преплавена со знамиња од ДУИ. Градоначалникот вели дека никој од него не побарал дозвола за поставување на знамињата. „Се разбира тоа ако се коси со законот ќе превземеме содветни мерки“, изјави Иџет Меџити, градоначалник на општина Чаир. Странците предупредуваат на фер избори. Како почна кампањата со низа инциденти и меѓупартиски препукување останува да се надеваме дека изборите ќе бидат демократски. Неопходниот услов за Македонија да влезе во Европа.
|