25% акции од „Агроплод“ ги купи „Свислајон“
30.03.2006 00:00
25,4% акции на „Агроплод“ од Ресен денеска се истргуваа на берзата. Ги продавале работниците, ги купил „Свислајон“, фирма што ја поседува братот на српскиот министер, Вук Драшковиќ, велат извори за А1. Официјално, акциите ги купиле две правни лица, за да ја избегнат законската обврска според која, секој што ќе купи над 25% од акционерскиот капитал мора да достави понуда за откуп на сите 100% акции во компанијата. Според структурата, најголем акционер во „Агроплод“ е Китинов кој со бизнис партнерите поседува 40% од компанијата. 25% - пакетот акции од вработените од денеска ги поседува „Свислајон“. 20% е државен капитал кој Владата го утврдила како имот од посебен интерес, што значи, овој дел од имотот може да се продава со јавно наддавање надвор од берзата. Познавачите на овој бизнис велат, со таквата владина одлука и денешната трансакција на берзата се насетува притисокот на Владата кој да стане новиот доминантен акционер во моќната ресенска фабрика. Тврдат, битката за „Агроплод“ допрва престои. И Хрватска фирма ја пикирала компанијата. Во меѓувреме, најголемиот акционер, Китинов, тврди дека заедно со партнерите поседува 66% од акциите во „Агроплод“, но за 25 од нив води судски спор со државата.
|