Србија не смее да си дозволи нарушување на односите со Македонија
05.08.2005 00:00
 | | Србите како народ се надарени, и од своите големи пријатели да си направат непријатели - со овие зборови, Душан Михајловиќ ги оцени недоразбирањата помеѓу Србија и Македонија | | | |
Србите како народ се надарени и од своите големи пријатели да си направат непријатели - со овие зборови, Душан Михајловиќ, министерот за внатрешни работи во владата на покојниот Зоран Џинџиќ, ги оцени недоразбирањата помеѓу Србија и Македонија. Во разговорот за белградскиот економски весник „Преглед“, Михајловиќ им порача на властите во Србија да ги чуваат добрите односи со Македонија, бидејќи се покажала како пријател и тогаш кога сите на Србија и го свртеле грбот, како на пример за време на санкциите. Михајловиќ исто така ги запраша властите во Србија, што би се случило кога Македонија како одговор на недоразбирањата со Вранишковски и авионите, одлучи да го анулира договорот за меѓу државната граница. Македонија ја призна границата со Србија на територијата на Косово и Метохија. Доколку тие почнат да се однесуваат како Србија, за Прохор Пчински можат да бараат да се вмеша меѓународната заедница, исто така да се предоговорат и за границата со Косово. Владата на Коштуница мора добро да размисли, какви проблеми може да и создаде на Србија, порача Душан Михајловиќ, бившиот министер за внатрешни работи, кој инаку има епитет за најинформиран човек во Србија.
|