СЕЕМО со загриженост за казнувањето на двајца бугарски новинари
28.09.2004 00:00
Медиумската организација за Југоисточна Европа (СЕЕМО) и Меѓународниот новински институт (ИПИ) изразија загриженост поради неодамнешната одлука на судот во Софија, според која на новинарот и на уредникот на весникот „Труд“ им е изречена парична казна поради пишување и објавување на „неподобни написи“ во овој весник. Според информациите на СЕЕМО, новинарката Светлана Јорданова, уредникот Тошо Тошев и издавачката куќа Медиа Холдинг се казнети се со пет илјади лева (2.500 евра) врз основа на одлуката на Апелацискиот суд во Софија од 27 јули годинава. Одлуката стапи на сила на 7 септември, а се однесува на два написа кои се објавени во весникот „Труд“, за судскиот процес кој тогаш се водел против поранешниот министер за внатрени работи Николај Тодоров. СЕЕМО ги повика Градскиот суд и Апелацискиот суд во Софија да ја отфрлат жалбата на Тодоров, кој изјави дека новинарските написи во весникот се засновани на „премногу критично истражувачко новинарство“, објаснуајќи дека слободата на новинарското истражување е основен принцип на демократското општество.
|