Бучковски: „Инцидентот е наместен, ова е анархија“
22.07.2004 00:00
 | | „Јас сум во зградата на СДСМ чекаме да стивнат страстите да запре анархијата и да не дојде до употреба сила од полицијата“ | | | |
Инцидентот е наместен, ова е анархија, изјави потпретседателот на СДСМ Владо Бучковски за А1 и потврди дека и тој и Ќурчиев чекаат во зградата на СДСМ да стивнат нередите за да ја напуштат. Повредени нема, полицијата не интервенира, а деталите за инцидентот ќе бидат обелоденети утре, вели Бучковски во телефонскиот разговор. Дали сте во зградата на СДСМ и што се случува таму? Јас сум во зградата на СДСМ чекаме да стивнат страстите да запре анархијата и да не дојде до употреба сила од полицијата за да на тој начин се воспостави коридор. Трпението во овој момент е најдоброто решение затоа што после сето ова дефинитивно сирените не ја разбудија совеста на Македонија ова ќе ја разбуди. Ќе имаме утре многу работи што да кажеме и што да проанализираме. Пред се оние кои го заговараа сето ова. Велите дека ова вечерва е организирано од некого? Да организирано е и утре ќе излеземе со конкретни податоци затоа што е јасно дека дел од младите момчиња кои беа злоупотребени беа на барикадите и во рок од 15 минути по нашето доаѓање овде со генералниот секретар Ќурчиев беа пренасочени пред општинската зграда на СДСМ. Со каква цел отидовте вие во Струга? Вчера на состанокот не дојдоа нашите претставници од Струга и денеска се договоривме јас и Ќурчиев да ги видиме нашите сопартијци и да поразговараме со нив во овие тешки моменти. Успеавте ли да го направите тоа? Успеавме имавме некаде 1 час и 40 минути имавме состанок за да мораше состанокот да биде прекинат затоа што имаше канонада од камења. Веројатно по завршувањето на ова лудило ќе можат припадниците на МВР и истражниот судија да проценат каква штета е направена овде. За среќа нема никаква опасност за луѓето кои се овде и нема повредени надвор затоа што полицијата е крајно толерантна. Имаме информации дека од час во час се зголемува бројот на луѓето пред седиштето на СДСМ, дали вие мислите дека сето тоа е организирано и дека воопшто не станува збор за спонтаност? Не, организирана беше групата која беше таму и не е поголема од 400-500 луѓе, другите како за многу македонски работи се сеирџии. Сите оние кои шетаа покрај кејот или кои требаа да бидат на последната вечер на Струшките вечери на отпорот, наместо градоначалникот Деребан да ги прибере таму и да им испрати порака за соживот и за добредојде за утрешниот фестивал веројатно ги пренасочи овде, но ќе издржиме, сме издржале и потешки работи.
|