Откриени нафтени полиња во Босна
31.05.2004 00:00
Две големи полиња на нафта се откриени деновиве во Босна. Државата засега нема да може да го финансира црпењето на нафтата и тоа можеби ќе биде дадено под концесија. Нафтените полиња ги открила американската корпорација „Амоко“, која истражувањето го почнала уште пред 12 години. Според проценките на корпорацијата, првото нафтено поле се наоѓа во регионот на Тузла, а второто во близина на Дрежница. Се претпоставува дека заедно двете нафтени полиња располагаат со 550 милиони тони нафта со кои може да се задоволат потребите од нафта во Босна за најмалку 10 години. Босна засега не може ја финансира експлоатацијата на оваа нафта и затоа се размислува тоа да се додели под концесија на некоја нафтена компанија.
|