„Хосподарске новини“: „Во Ирак истите противници како и во Босна“
24.05.2004 00:00
Ветераните од балканските војни се барани и од двете страни во Ирак, со што не е исклучена можноста таму меѓусебно да се напаѓаат истите оние луѓе како пред седум до осум години војуваа во босанските планини, објавува чешкиот весник „Хосподарске новини“. „Некои дојдоа да заработат огромни пари, а други од убедувања. Потребата од авантури е моторната сила за двете групи на кои војувањето им е во крвта“, пишува весникот, констатирајќи дека и двете страни во ирачкиот судир грижливо ги кријат податоците за тоа кој, каде и за колку пари се бори во Ирак. Според неофицијални информации, во Ирак има 15 до 20 илјади припадници на приватни агенции за обезбедување, наведува весникот, додавајќи ја проценката на белградскиот воен аналитичар Слободан Кљакиќ дека како стражари и телохранители во Ирак со договор работат од 500 до 1.000 Срби. Од една страна се Србите и Хрватите, кои ги ангажираат приватни фирми, а другата група ја сочинуват Арапи и босански муслимани, кои го претставуваат рбетот на елитните единици на валстите во Сараево во периодот од 1992 до 1995 година, тврди чешкиот стопански весник.
|