Се ревидира приватизацијата на „Агроплод“ Ресен
24.04.2003 00:00
Се ревидира приватизацијата на Агроплод. Агенцијата за приватизација според информациите на А1, бара Министерството за финансии да ја преиспита продажбата на ресенски „Агроплод“, која со попуст од 70% ја купија адвокатот Александар Тортевски и уште 6-мина содружници на фирмата „Ликом“. Во дописот од Агенцијата за приватизација се вели дека продажбата на акциите на „Агроплод“ е изведена со низа пропусти. Одлуката за продажба не била објавена во јавните гласила, што било обврска на агенцијата. Освен тоа треба да се приспита и начинот на кои се платени акциите, односно дали самиот „Агроплод“ го кредитирал овој откуп на акции, што се разбира е незаконски. Фирмата „Ликом“ акциите ги платила 800.000 евра со кредит земен од Охридска банка, а спорно е тоа што како обезедување на кредитот биле искористени самите акции.
|