Рамковски: Албанците да престанат да бидат декор на политичката сцена

	Коментари (5)

Оваа држава има одлична иднина но само ако се постигне меѓуетничка хармонија и ако им се посветиме на евроатлантските интеграции, но и на односите на Балканот. Оценува Рамковски во интервјуто за весникот „Шкип“ кое го објавува под наслов - Македонскиот Берлускони.

Според Рамковски, Албанците во Македонија треба да престанат да бидат декор на политичката сцена како и во владиниот букет и да почнат да одлучуваат за сегашноста и за иднината на државата.

„Тој што не сфатил дека иднината на оваа држава во голема мерка ќе зависи од соработката со Албанија и Косово и дека овдешните Албанци се тие кои ќе имаат одлучувачка улога во таа соработка, тој никогаш нема да сфати дека албанскиот фактор е предност, а на пречка за развојот на земјата“, вели Рамковски.

Ваквите политички ставови сопственикот на А1 Телевизија нескриено ги поткрепува и со своите бизнис визии за зголемување на медиумски пазар во регионот.

„Албанците во Македонија во однос на медиумите се запоставени и затоа сакам да придонесам, но јас сум и бизнисмен и не кријам дека ме интересира пазарот од осум милиони албанци на Балканот“, признава тој.

Велија Рамковски одбегнал да одговори дали има амбиција да стане и Премиер на Македонија пишува тиранскиот весник „Шкип“.

За печатење

Прати по e-mail

Порака до авторот

Разгласи