Струмица без пречистителна станица

Сузана Тасева	Коментари (1)

Неподнослива миризба се шири и дење и ноќе, а неиздржлива е во летните месеци се жалат жителите од селата околу реката Струмица, во која се влеваат фекалните води од градот поради неизградената пречистителна станица.

Тие велат дека имале проблеми и при продажбата на земјоделски производи, бидејќи кога купувачите ќе слушнале дека се од овие села не ги сакале нивните производи.

„Многу мириса, не се стои ни насабајле ниту навечер, по цел ден и кога ќе се кажеш дека си од село Сачево имаш проблем за на пазарот да продадеш нешто“, вели Васе Петров, жител на Сачево.

Камен темелникот на пречистителната станица е поставен пред 16 години. Требаше да се гради со гранд од Грција, но поради спорот со името таа досега не ги одобри парите. Сега локалната власт вели дека обезбедила 9,8 милиони евра од европската унија, преку ИПАРД компонентата за заштита на животната средина.

„Ова станица ќе опслужува 60 илјади жители иако градот Струмица е нешто под 40 илјади жители со околните села вкупно 45 илјади е димензионирани за наредните 30 до 40 години раст, кое што истовремено значи огромни еколошки придобивки пред се на граѓаните на Струмица, целиот струмички регион“, рече Зоран Заев, градоначалник на Струмица.

Со фекалните води од градот реката Струмица преку сливот во реката Струма врши загадување и во Бугарија и Грција. Според најавите пречистителната станица треба да биде готова следната година.

За печатење

Прати по e-mail

Порака до авторот

Разгласи