Јавна преписка Протуѓер - Трпчевска

Гоце Михајлоски	Коментари (8)

Весна Ковачевска Трпчевска

Наместо да пишувате емотивни писма, повлечете се од медиумите - отпуштената новинарка од Канал 5, Весна Ковачевска Трпчевска, одговори на отвореното писмо на шефот на кабинетот на Груевски, Мартин Протуѓер.

Сакате да соопштувате, а не да ве прашуваат вас и Премиерот. Барате послушност, затоа новинарите се солидаризираат, не поради некаква хајка против вас, туку оти на своја кожа ги почувствувале политичките притисоци, пишува новинарката во возвратното писмо.

„Цензура во Канал 5 има, влијанија од власта и од кабинетот на Премиерот има. Го слушам Мартин Протуѓер ме повикува за некакво добро во интересите на Република Македонија. Нека престане да оценува, да нарачува, нека ги тргне рацете од медиумите, така тој ќе придонесе најдобро за Република Македонија“, изјави Весна Ковачевска Трпчевска.

Мартин Протуѓер

Откако отпуштените новинари ги примија претставниците на САД, ЕУ и ОБСЕ, на нив се сети и Претседателот Иванов. Се интересирал зошто и на кој начин биле избркани од работа.

„Нема многу можности како да реагира, меѓутоа се заложи дека овие работи треба институционално да се решаваат. Значи во рамки на институциите, да се види дали се почитуваат законите и во медиумите, затоа што ние, како новинари водиме битки, многу битки и на крај победуваме во тие битки кога станува збор за други компании, за други луѓе кои што се избркани од работа, а во нашата битка неуспеваме да отидеме до крај и да извојуваме во наша корист“, вели Александра Мишовска.

Отпуштањето на осум новинари од Канал 5 веќе неколку дена предизвикуваат лавина реакции, како во домашната така и кај претставниците на меѓународната јавност. Најтивки беа тие што требаше да бидат најгласни, Здружението на новинари испрати само штуро соопштение, а т.н. иницијаторите за реформи наместо слобода, од власта побараа да испраќа инспекции во медиумите.

За печатење

Прати по e-mail

Порака до авторот

Разгласи