Амбасадорот Треневски не бил добро разбран

Ирина Гелевска	Коментари (13)

Никола Груевски

По скандалозните изјави дека ќе ги спори принципите на консензус и солидарност во НАТО и поделбата на пријателски и понепријателски земји членки, новоназначениот амбасадор при НАТО Мартин Треневски имал разговор со Премиерот Груевски, кој побарал да ги објасни ставовите пренесени во медиумите.

„По она што јас исконтактирав со него, можам да кажам дека тој ќе има деновиве други интервјуа каде ќе ги дообјасни работите. Се чини дека има едно недоразбирање, односно можеби несоодветен вокабулар во неговото излагање, тој смета дека не е добро разбран или можеби не се изразил најдобро, но ми кажа дека деновиве ќе има јавни интервјуа за некои медиуми и ќе си ги дообјасни своите ставови. Во секој случај стратешка цел на Владата е членството во НАТО“, изјави Премиерот Груевски.

Мартин Треневски

НАТО засега не се изјаснува за изборот за нов македонски амбасадор во Брисел. Од Алијансата велат дека за нив се важни и партнерските земји кои учествуваат во мировните мисии.

„НАТО смета дека партнерите се важни, бидејќи помагаат во ширењето на стабилноста и ни даваат подобра слика за одредени региони. Она пак што партнерите можат да го добијат од НАТО е отворен влез за членство“, вели Џонатан Париш, приватна канцеларија на генералниот секретар на НАТО.

Владата се уште останува на ставот дека полноправното членство во Алијансата е приоритет, но по се изгледа нема намера да го смени новиот амбасадор при НАТО кој уште пред да ја преземе должноста од 1-ви септември предизвика контроверзности и дома и во седиштето на НАТО во Брисел.

Реакции на опозициските партии

СДСМ го повикува Премиерот Груевски да не се обидува да го оправда својот избор за нов амбасадор во НАТО Алијансата, туку треба на јавноста да и објасни: Како може човек со вакви ставови да биде испратен во најмоќната политичко-воена организација во светот? Дали ова е јасен сигнал дека се зајакнува и официјализира анти-НАТО и анти-ЕУ политиката на Груевски и фамилијата? прашува СДСМ.

За Нова Демократија пак, секоја сериозна држава, и сериозна Влада ги повлекува таквите личности ако има случаи од амбасадите како што беше случајот со изјавите на г-динот Треневски, напротив нашата Влада цврсто стои зад изјавите на г-динот Треневски и тоа ни дава до знаење дека самата Влада промовира политика на регрес.

За печатење

Прати по e-mail

Порака до авторот

Разгласи