„Хедис маркетите“ ќе ги откупуваат земјоделските продукти на Илиевски

Пеце Стефановски	Коментари (12)

Жаклина Ѓоргиевска

„Хедис маркетите“ ќе ги откупуваат земјоделските продукти што ги произведува Душко Илиевски и неговата фамилија. Целта е, да им се помогне на битолските земјоделци кои скоро две недели беа во притвор и земјоделските работи им заостанаа.

Сега, наместо да висат по пазаришните тезги, најголемиот трговски синџир во државата ќе ги прифаќа сите нивни градинарски продукти. Денеска, се откупија неколку тони компири.

„Гледајќи ја и следејќи ја ситуацијата во која западна семејството Илиевски не по своја вина, тоа веќе добро го знаеме, маркетите „Хедис“ решија колку што е можно да помогнеме во откупот и пласирањето на нивните производи. Тоа е едно добро што можеме да направиме за ова семејство“, рече при денешниот откуп Жаклина Ѓоргиевска, директор на „Хедис маркети“.

Браќата Цане и Душко, со сопругите, два дена не застанаа од работа за да ја завршат оваа берба на компири и на крај да ги натоварат.

Душко Илиевски

„Да му се заблагодарам на господинот Велија Рамковски кој во најтешките моменти излезе да ни помогне, да ги откупи компирите и другите земјоделски продукти бидејќи западнавме во тешка ситуација. Се договоривме со Маркетите на Хедис да ми ги откупат компирите и сите земјоделски култури“, рече Душко Илиевски.

Битолскиот фармер иако од рани зори презафатен со работа, цврсто се носи со товарот на истрагата, политичките пресметки, собраниски дебати и медиумскиот интерес. И натаму ќе докажува дека при полициското сослушување бил малтретиран и дека нема намера да и се извинува на полицијата.

„Ако сакаат нека ме казнат и тие ќе ги продадам и ќе им ги дадам на Државата нека ги доземи. Осумдесет и шест грла ги зеде, па овие нека ги доземи. Да им се извинам тепан и малтретиран“, запраша битолскиот фармер.

Во очекување на кривично - правна разрешница по обвинувањето дека во нивата одгледувале канабис, семејството Илиевски ја продолжува секојдневната битка со нивите кои за нив живот значат.

За печатење

Прати по e-mail

Порака до авторот

Разгласи