Залихите на вино најавуваат неизвесност на новата реколта

Анализата на „А1“ на состојбата на винариите ја продолжуваме со винарската визба „Имако вино“ од Штип. Како и во сите други винарии и овде цистерните се полни со залихи на вино.

Дури 30 % е поголема залихата на вино во цистерните на „Имако вино“ што најавува незивесност за новата реколта. Залихите освен што се погубни за винариите ќе удрат и по лозарите бидејќи оваа како и останатите македонски винарии нема да можат да го откупат целокупниот род на грозје.

„Ова година сигурно ќе се откупат од 20-40 % помалку грозје. Трагедијата да биде уште поголема е и тоа што земјите од нашето опкружување не можат да го откупат вишокот на грозје“, вели Ристо Љуботенски, винарија „Имако вино“, Штип. Лани, винаријата „Имако вино“ и излезе во пресрет на државата, за да ги смири лозарите откупи два милиони килограми грозје повеќе од планираното. Сега за возврат очекуваат државата да им помогне во извозот со стимулирање на цената на виното, но се сомневаат дека помошта ќе стигне навреме.

„Тоа е една од мерките што може да се направи, но ако се примени ќе може да се направи во ноември или декември и ќе се однесува за наредната реколта, што значи дека откупот оваа година ќе биде доста ризичен, нервозен и под знак прашање“, вели Љуботенски.

За лошата состојба во која се наоѓаат винариите знаат и лозарите. Бараат проблемот под итно да се реши, бидејќи во прашање е доведен целиот едногодишен род.

„Апелирам до министерството горе, до земјоделие, до економија, кој може да се најде модус за лозарството. Лозарството ептен е катастрофа, не навлегувам кој е крив, ама не бива ништо“, рече Владо Чулев, лозар од Неготино.

На два месеци пред бербата на новиот род на винариите се уште им се полни цистерните со вино. Годинашнава реколта според проценките ќе тежи околу 200 милиони килограми грозје, а на винариите им се потребни околу 32 милиони евра да им платат на лозарите, пари што тешко ќе може да ги обезбедат без помош од државата.

Напишете ваш коментар	Правила за коментарите!
Име (задолжитело)
Место
E-mail

1.	kavadarcanec од kavadarci на 30.07.2010 во 22:01 напиша:
Neka ne pravat vestacka kriza tuki neka gi otvorat granicite i vladata da pomogne vo naoganje na stranski kupuvaci i seto grozje ke se otkupi.A ovie nasite alcni vinarii gledat samo za niv oni ke kazat dali imalo ili ne kupuvaci od stranstvo.Tie sakaat vestacka kriza i zatvoreni granici pa da ni go zemat za bezpari grozjeto i na krajot da se prestavuvaat kako nasi spasiteli.

2.	Тони од Сан Франциско, Калифорниа на 31.07.2010 во 18:33 напиша:
Мене не ми е јасно како секој неспособен самонаречен газда во Македонија секоја негова криза смета дека владата треба да го финансира, зошто не се бараат други решенија, неможе нашите даночни пари да одат во поддршка на неписмени претприемачи. Ако незнаат да работат нека пропаднат и нека си заминат, а ќе се најдат други што ќе можат да работат. Единствена работа што ја учат со годините е како да притискаат по владата да им даде незаслужени пари.

3.	bobi од sk на 02.08.2010 во 17:15 напиша:
во секоја сериозна држава производството на вино е субвенционирано.значи се даваат субвенции и на лозарите и на винариите. колку што мене ми е познато во италија за литар произведено вино винариите добиваат субвенции од по 6 евро центи и автоматски на тој начин нивното вино е за тој износ поевтино. во мкд на винариите никој не им дава ниту денари субвенции и затоа македонското вино во услови на намалена потрошовачка на вино е скапо во однос на виното од овие држави. логиката е многу едноставна но за жал многу сурова за македонските винарии.

4.	atanas од bitola на 10.08.2010 во 21:36 напиша:
vreme e da se sozdadat edni ceni koj ke ke bidat zagarantirani bukvalno za se i da se subvencionira se makar minimalno pa da se sozdadat uslovi za sekoja niva da stane obrabotliva odnosno nie sme zemja koja moze da zivee od zemjodelie samo so pravilna programa i so izbiranje na vistinskite zemjodelski proizvodi mozeme da postigneme nesto a vaka bez planiranje na samata vlada sto da se sadi i sto da se stocharuva nie samo ke proizveduvame se poveke proizvodi koi gi ima vo izobilie