Гејтс: Викиликс ја загрозија репутацијата на САД

Ивана Салтировска	Коментари (3)

Роберт Гејтс

Пентагон ги прегледува 76-те илјади документи што ги објавија Викиликс. Во потрагата по изворот се вклучи и Еф Би Ај. Истрагата се концентрира на 22-годишниот воен известувач и аналитичар Бредли Менинг, осомничен информатор на „аларматорите“.

Тој во мај беше обвинет дека доставил доверлива снимка од американски хеликоптер на која е регистрирано убиството на снимател на Ројтерс и група ирачки цивили. Менинг, кој бил стациониран во Ирак, се наоѓа во притвор во американска база во Кувајт.

Прв пат во јавноста од објавувањето се огласи и американскиот министер за одбрана Роберт Гејтс. Ги обвини Викиликс дека опасно ги загрозиле САД на бојното поле и нивната репутација во односите со Пакистан и Авганистан.

„Нашите разузнавачки извори, методите, воените тактики, техники и процедури ќе им станат познати на противниците“, изјави Роберт Гејтс, министер за одбрана на САД.

При проверката веќе се откриени документи со имиња на авганистански доушници за САД иако основачот на Викиликс, Џулијан Асанџ тврдеше дека за да избегнат идентификација на тие луѓе не објавиле 15 илјади документи.

Објавеното ги открива позициите на американската војска, нејзината тактика на терен и други информации полезни за бунтовниците. Информациите на Викиликс биле собирани од 2004 до 2009 година.

За печатење

Прати по e-mail

Порака до авторот

Разгласи