Убиен еден од најголеми мексикански дилери на дрога

МИА	Коментари (0)

Игнасио „Начо“ Коронел

Игнасио „Начо“ Коронел, еден од тројцата лидери на најголемиот мексикански наркокартел, вчера е убиен во престрелка со воена патрола, соопштија мексиканските вооружени сили.

Убиството на 56-годишниот Коронел е најсериозниот удар кој досега му е нанесен на картелот Синалоа, предводен од Хоакин „Чапо“ Гусман, од почетокот на кампањата против мексиканскиот организиран криминал која претседателот Фелипе Калдерон ја почна на крајот од 2006 година.

Според ФБИ, Коронел е одговорен за масовно производство на амфетамини во тајни лаборатории во Мексико, кои потоа нелегално биле извезувани во САД и Европа.

ФБИ имаше распишано награда од пет милиони долари за информација која би довела до апсење на Коронел кој беше пронајден во едно од луксузните предградија на градот Гвадалахара во западниот дел на земјата.

Тој бил убиен откако пружил отпор при апсењето и убил еден војник. Во акцијата се уапсени и двајца од неговите најблиски соработници.

За печатење

Прати по e-mail

Порака до авторот

Разгласи