„Дејли Телеграф“: Кетрин Ештон има таен план за Босна

МИА	Коментари (6)

Кетрин Ештон

Вискиот претставник на ЕУ за надворешна политика и безбедност Кетрин Ештон планира да ја преземе директната контрола врз Босна, со воведување нови овластувања насочени против „тврдокорните“ Срби, кои се противат на босанската држава и ги блокираат политичките реформи, пишува денеска „Дејли телеграф“.

Во текстот под наслов „Ештон направи таен план за управување со Босна“, весникот наведува дека во доверливиот документ, што го завршила неделава, Ештон предлага формирање нова функција на моќен пратеник на Европската унија, што ќе стапи на сцена по есенските избори во Босна.

Негова задача ќе биде да ги истурка уставните реформи во земјата, односно да ги засили федералните институции, главно на штета на Република Српска, пренесува Би Би Си во програмата на српски јазик.

Новиот пратеник ќе го зазеде местото на Високиот претставник на меѓународната заедница и како дел од новата европска дипломатска служба ќе управува уште и со мировните сили и европската полициска мисија во Босна.

За да го скрши отпорот кон уставните реформи, пратеникот ќе има овластувања да издава забрани за патувања во ЕУ и да замрзнува банкарски сметки и други средства за сите лица за кои ќе смета дека ги опструираат реформите, вклучувајќи го и премиерот на РС, Милорад Додик.

Целта е, наведува весникот, ЕУ да ја преземе водечката меѓународна улога во БиХ.

За печатење

Прати по e-mail

Порака до авторот

Разгласи