Банките стануваат бази за податоци на своите клиенти

Анета Додевска	Коментари (6)

Дали сте политичар, каква е вашата имотна и финансиска состојба - дали сте во брак - на овие прашања, преку писмена треба да одговорат граѓаните на банките.

Од почетокот на овој месец банките ги делат овие изјави на сите клиенти - и на оние што отвораат нови сметки и штедни книшки, но и на оние што веќе имаат сметки во банките.

Директори на банкарски групации во земјава за А1 потврдуваат дека од први јули овие изјави се делат на сите клиенти.

На банкарските шалтери имало големи реакции, од граѓаните се бара под морална и кривична одговорност да кажат дали се политичари, функционери, дали некој член од семејството е политичка личност, сестри, браќа, сватови, партнери на деца на функционери.

Податоците за политичката изложеност на клиентите одамна е европска пракса но, концептот сепак е различен. За разлика од нас, таму владите ја создаваат листата на политички изложени личности, а не како кај нас каде базата сега се прави во банкарските досиеја.

Обврската за пријавување на политичка изложеност на клиентите се воведе со законот за спречување на перење пари.

Уште на стартот се отворија дилемите дали со ова решение, банкарските досиеја ќе се претворат во база за политички информации за граѓаните.

И покрај тоа што податоците се сметаат за деловна - банкарска тајна, пристап имаат дирекцијата за спречување на перење пари, дирекцијата за заштита на лични податоци и Народната банка.

Сепак - овие податоци во одредени ситуации се достапни и на други државни и истражни институции.

За печатење

Прати по e-mail

Порака до авторот

Разгласи