Државното земјиште од идната година ќе го продаваат општините
26.07.2010 18:51
 | | Зоран Заев | | | |
25 милиони евра - толку пари државата и општините инкасирале од продажбата на државното земјиште во последните три години. Градоначалниците бараат веднаш да го добијат менаџирањето со земјиштето, наместо од идната година. Реагираат и на дискреционите права што си ги остава државата во новиот закон за градежно земјиште. „Има членови каде што Владата може во било кој дел од фазата на постапката на продажба или на долгорочен закуп на земјиштето, може буквално да интервенира да го земе предметот од општината не кажувајќи зошто“, рече Зоран Заев, Градоначалник на Струмица. „Пак се прави една голема грешка што менаџирањето кое треба општините да го имаат, а фактички сопственоста на земјиштето треба да биде државата“, вели Бастри Бајрами, Градоначалник на Арачиново. Градоначалниците бараат сите пари од продажбата на земјиштето да одат во општините. „До сега одеа 80% во локалните буџети, меѓутоа до сега управувањето, односно продажбата беше преку државата, односно преку министерството за транспорт и врски. Се надевам дека сега ќе биде 100% во корист на општините, тоа е една наша забелешка и како предлог на текстот, мислам и дека ќе оди така“, изјави Горан Петров, Градоначалник на Велес. Скроен е и законот за легализација на дивоградбите што треба да биде донесен наесен.
|