Со сите методи се крпат дупките во буџетот

Наташа Стојановска	Коментари (10)

Владата очајнички бара пари, вака експертите го коментираат законот со кој на јавните претпријатија им се наложи - 80 проценти од својата добивка да ја префрлаат во буџетот. Професорот, Ванчо Узунов вели - ова е уште една индикација дека во буџетот нема пари и власта се обидува да ги најде на секој можен начин.

За опозицијата ова е скандалозен обид за полнење на буџетските дупки, на ваков начин менаџерите на јавните претпријатија немаат мотивација да прават добивка оти парите ќе ги троши некој друг.

„Тоа е сериозен индикатор дека оваа тешка состојба на полнење на буџетот ќе продолжи, а инаку иако не се работи за некоја голема сума, некаде околу три милиони евра, според податоците што ги изнесоа официјалните институции. Сепак сведоци сме дека владата ги применува буквално сите методи за да прибере што повеќе средства за крпење на буџетските дупки“, изјави Јован Манасиевски, ЛДП.

Јован Манасиевски

За власта ова е мерка за штедење во насока на подобрување на приходите. На терен - доцнењето на платите во администрација се објаснува со ребалансот, а не поради тоа што буџетот бил празен. Се крие и долгот на државата кон стопанството, оти не постоел вкупен податок.

„Сите влади до сега во минатото на увид имале т.н. квартални извештаи.

-Тие се класифицирани на долгови постари од 30 дена, од 60, од 90, од 180 дена. Јас немам информација дека оваа влада престанала да прави такви квартални извештаи, меѓутоа ако престанала да ги прави тоа е едно сериозно назадување“, додаде Манасиевски за долговите.

И додека владата тврди дека нема сериозни долгови дел од компаниите чекаат пари за завршени работи, а дел за поврат на ДДВ.

За печатење

Прати по e-mail

Порака до авторот

Разгласи