Папаконстантину: Грција ќе ја добие втората рата од ЕУ и ММФ

	Коментари (5)

Грција ќе ја добие втората рата од помошта од Европската унија и Меѓународниот монетарен фонд, затоа што ги исполни условите поставени во планот за ограничување на трошоците, објави грчкиот министер за финансии Јоргос Папаконстантину.

Претставниците на ЕУ и ММФ, како и Европската централна банка ќе ја посетат Атина во понеделник за да проверат дали Грција ја спроведува програмата за добиената помош од 110 милијарди евра и да проценат дали ќе може да ја доделат новата транша од девет милијарди евра, пренесува БгНес.

„Доделувањето на втората рата зависи од тоа дали сме ги исполниле целите што требаше да ги исполниме до 30 јуни“, рече Папаконстантину во интервју за неделникот „Kosmos tou Ependyti“ и додаде дека Грција ги исполнила условите и направила дополнителни чекори преку усвојувањето на Законот за пензиски реформи.

На крајот на јуни мисијата на ЕУ, ЕЦБ и ММФ дадоа добра оценка за задолжената Грција, велејќи дека земјата го исполнува планот за намалување на државните трошоци, за зголемување на приходите и спроведување на структурните реформи.

^{Copyright 2010 makfax. Сите права се задржани. Текстов не смее да се печати или емитува, во целина или во делови, без договор со makfax.}

За печатење

Прати по e-mail

Порака до авторот

Разгласи