СДСМ: Владата ги игнорира побараувањата на фирмите

Мишко Иванов	Коментари (3)

Игор Ивановски

Премиерот Груевски и министерот за финансии Ставревски да престанат да лажат, тврдејќи дека државата на се соочува со должничка криза спрема компаниите, побараа денеска социјалдемократите.

Презентираа допис од компанија вклучена во проектот „Компјутер за секое дете“, а која година и пол не може да си наплати повеќе од милион евра побарувања од државата.

„Иако во обид да ги подмири побарувањата фирмата се обратила до Министерството за образование до Министерството за информатичко општество и до потпретседателот на владата Пешевски таа не била удостоена со никаков одговор“, изјави Игор Ивановски, СДСМ.

СДСМ преку анонимни документи со сомнителна релевантност, се обидува да ја замајува јавноста, возвратија од владејачката ВМРО ДПМНЕ.

„СДСМ најпрвин тврдеше дека Владата на стопанството му должи 600 милиони евра, а веднаш потоа самите се демантираа. Колку и да се обидуваaт преку груби, измислени и нерелевантни примери да ја девалвира работата на Владата, останува фактот дека токму оваа Влада ги отплати долговите што владите на СДСМ ги направија“,.

Во меѓувреме се уште останува енигма за тоа колкави се вкупните долгови што државата ги има кон приватниот сектор.

Според информациите на А1, долгот на државата кон фирмите само по основ на поврат на ДДВ изнесува 67 милиони евра.

Но, точен податок за вкупните побарувања на компаниите од државата, надлежните не соопштуваат, правдајќи се со аргументот дека состојбата секојдневно се менува.

Експертската јавност пак тврди дека е невозможно власта да не знае колкави им се долговите, но претпоставуваат дека тие достигнуваат и до 600 милиони евра.

За печатење

Прати по e-mail

Порака до авторот

Разгласи