Коњановски одби да одговори за проневерите во РЕК Битола

Наташа Стојановска	Коментари (3)

Зоран Коњановски

Министерот за одбрана, Зоран Коњановски одби да одговори - дали знаел за криминалот во РЕК Битола, што се случувал токму кога беше директор на централата и кога 12 раководители, на кои Коњановски им бил претпоставен направиле криминал тежок 7 милиони евра.

Одбегнувајќи го одговорот - претходно Коњановски се повикуваше на институциите - тие да утврделе дали имало криминал во РЕК Битола.

„Доколку има 12-ет осомничени за одредени дејствија во РЕК Битола да оставиме на институциите, на системот да покажат дали е тоа така или не е така. Ние никогаш нема да правиме дали имало криминал или немало криминал“, изјави Зоран Коњановски.

Опозициската СДСМ и натаму тврди дека зад овој скандал се крие внатрепартиска пресметка во ВМРО-ДПМНЕ, а не станува збор за борба со корупцијата.

„Дали е можно како генерален директор да не знаел за тие 7 милиони евра. Како е можно да се одреди притвор за див коноп, за семејството Илиевски, а за криминал тежок 7 милиони евра да нема таква мерка“, вели Андреј Петров.

Јавното обвинителство не побара апсење на осомничените туку кривичната постапка реши да оди во редовна процедура, без тие да бидат приведени.

Во кривичните пријави - 12 директори во РЕК Битола се сомничат дека во 2008-ма година потпишале нереални фактури, оштетувајќи ја централата за 7 милиони евра.

За печатење

Прати по e-mail

Порака до авторот

Разгласи