Европските банки на „тест за издржливост“

	Коментари (0)

Европските банки се ставени на тест и треба да проценат колку дополнителен капитал ќе им биде потребен за да ја постигнат стапката на адекватност на капиталот од шест отсто во случај на две неповолни сценарија, пренесува Ројтерс.

Според последните извештаи, банките треба да проценат колкава би им била стапката на адекватност на капиталот на крајот на 2011. година според стандардното сценарио, како и според „неповолното“ сценарио, што вклучува дополнителен шок на паѓање на вредноста на некои државни обврзници.

Европа ги тестира банките за да дојде до сознанија колку ќе бидат способни да се носат со новиот период на опаѓање на економските активности и загуби на должнички хартии на некои земји, во настојување да ја обнови довербата на пазарот по грчката економска криза.

Сите информации се уште не се разјаснети, при што некои аналитичари сметаат дека проверката ќе биде еднаква во сите 20 земји во кои се спроведуваат.

^{Copyright 2010 makfax. Сите права се задржани. Текстов не смее да се печати или емитува, во целина или во делови, без договор со makfax.}

За печатење

Прати по e-mail

Порака до авторот

Разгласи