Селото Штавица заборавено во времето

Наташа Стојановска	Коментари (9)

Добре дојдовте во мал Холивуд - оваа табла стои на влез во селото Штавица. Куќи со камења, во распаѓање - изградени пред 80 години.

Од што живеете вие?

„Од земјоделие и сточарство. Малку и тутун садам“, вели жител на Штавица.

Живот далеку од холивудскиот. Сите живеат од социјална помош и чување овци. Вработени нема.

„Со стокава некако се мачиме, живееме. Сега дојде времето за продавање на јагнињава. Тоа е“, вели овчар.

За да се прехранат, во одгледувањето на добитокот ангажирани се сите.

„Стануваме, одиме стоката да ја храниме, и цел ден се занимаваме со тоа“.

Кој се грижи за децата?

„Децата си играат сами, низ дворот, дома. Како и да е важно си играат сами. Ние децата не ги пазиме, си одиме по работата“, рече жителка на Штавица.

Нема игралишта, детските игри се качување по карпи.

Водоводот е изграден, но, не работи. Водата се носи од чешма.

„Па секако дека е мачно. Секој ден одам по 500 метри за да полнам вода“, изјави жител на Штавица.

Каллив е и патот по кој се движат селаните.

Последен пат камерите тука го снимале филмот „Прашина“. Сега камерите се повторно тука - но во домот на Кулевски, каде изгоре едногодишното девојче. Имаат една соба, а тука ја чуваат и храната за добитокот.

„Барам помош, да ми се даде нешто. Еве гледате немам ништо дома“, рече Гоце Кулески.

Со сиромаштијата се соочува селото, но велат холивудски живот не очекуваме, но бараме основни услови за живот.

Сиромаштијата во Македонија е како онаа во неразвиените земји

„Во Македонија веќе, проблемот на сиромаштијата е сериозно присутен и тој проблем ги има сите оние карактеристики коишто воопшто ги има сиромаштијата, меѓутоа со тоа што кај нас тоа повеќе наликува на онаа сиромаштија која што е во неразвиените земји, отколку во оној свет којшто ние го нарекуваме високо развиен. Тоа е ЕУ, Америка итн. Меѓутоа во секој случај, мислам дека веќе проблемот на сиромаштијата во Македонија е алармантен. Јасно укажува каков е тој стил на живот на тие луѓе.

- Значи тоа е покуќнина која што е несигурна, покуќнина која дошла од некаде од некој отпад, затоа лесно им се палат и куќите, затоа се случи она со девојчето, која што таа жена мораше да го врзе за шпоретот, затоа што нема едноставно кој тука да помогне. Нема комуникација меѓу нив и исто така тоа е стар шпорет кој видовте каква трагедија направи. Значи покуќнина која што веќе не може да понуди еден квалитет на живеење“, изјави Ѓорги Тоновски, професор на ФОН“.

За печатење

Прати по e-mail

Порака до авторот

Разгласи