Неготино остана без локални медиуми

Владимир Тевчев	Коментари (3)

Зоран Димовски

Без локални медиуми остана Неготино откако пред шест дена на пунктот Ловиште-патрик се исклучени предавателите на двете единствени неготински радија - Микс и Енерџи.

Налог за тоа дал Горан Гаврилов, газда на радио Канал 77, кој воедно е сопственик на пунктот на Серта, од каде ловиштето се напојува со електрична енергија.

Иако имале уредни дозволи од Агенцијата за телекомуникации двете радија краделе струја, велат од Канал 77.

„Прво и основно немаат согласност да користат струја од нашиот далековод. Ниту не прашале, ниту не консултирале, значи ние имаме инвестирано и не сме хуманитарна организација. Ние сме трговско друштво и мора сето тоа да биде рентабилно“, изјави Зоран Димовски, технички раководител во Канал 77.

За сопствениците на Микс и Енерџи, сумата за кирија која им ја предложиле од Канал 77 е неприфатлива.

„Како што тие ни кажаа, едноставни ние мора да се исселиме од таму. Да не кажам сега и да не одиме со такви заострувања, да ја заоструваме работата, ајде да речам дека се работи за класична уцена.

- Затоа што ако, како што ми беше кажано од Серта, или ние ќе мораме да се исселиме, или Горан ќе ги исклучи Ловиште-Патрик“, вели Јулија Манева, сопственичка на радио Микс - Неготино.

Манева 15 години имала одлична соработка со Гаврилов, „не сакаме да веруваме дека тој сега не смета за конкуренција, па, ни задава ниски удари“, вели таа.

„Ако имало некаков проблем, ние сме четири години сместени таму, зошто до сега не реагираа“, рече Манева.

„Неколку пати ние имаме укажувано дека сето тоа не е легално и дека треба да си најдат начин, модус, како сето тоа да го направат да биде легално“, изјави Димовски.

Газдите на неготинските радија, бараат Агенцијата за телекомуникации да посредува во решавањето на спорот.

За печатење

Прати по e-mail

Порака до авторот

Разгласи