Кејот на Охрид под вода

Мишко Иванов	Коментари (3)

Два земјотреси пред еден час се почувствувано во Охрид. Епицентарот е 6 километри северно од градот.

Станува збор за земјотреси со послаб интезитет, но кои можат дополнително да ја усложнат состојбата со езерото.

Нивото на Охридското езеро денеска е искачено за еден сантиметар и изнесува 26 сантиметри над максимално утврдената квота.

Непријатност е тоа што почна да дува силен ветер па предизвика големи бранови на Охридското езеро и е невозможно да шетате по кејот на Охридското езеро.

Слична е ситуацијата и со Струга односно со реката Црн Дрим, излевање забележано е и таму особено во фабриката „ЕМО Охрид“. Погонот кој што се наоѓа во Струга не работи затоа што е исклучено од струја, затоа што може да предизвика уште поголема катастрофа. Таму се е под вода.

- Што се случува гледате и самите. Поплави. Вода има до тука и назад.

Затоа не работи погонот?

- Да.

Има внатре струја, кабли?

- Има се и се е поплавено.

И што треба да се направи, гледам дека не помагаат ниту насипите со вреќи полни со песок?

- Да, ставивме и вреќи и се живо, ама џабе. Доста вода има и не можеме да го спасиме никако.

Поради неисчистениот канал и она што би се рекло буквално нивелирање на реката Црн Дрим со тие неисчистени канали прават проблем и на куќите кои што се во првиот ред.

Поплавени се дворовите и поплавени се приземните делови на куќите. Бродовите кои што беа поставени на пристаништето, сопствениците ги пренасочија, односно ги преместија во каналот Студенчишта.

Реакција од министерство за транспорт: А1 сее страв и паника

Министерството за транспорт и врски реагира на извештаите на А1 од теренот. Тврдат дека А1 сее страв и паника преку дезинформации.

Ја информираме јавноста дека водостојот на Охридско езеро бележи стагнација и во однос на вчерашниот ден нема промени во нивото. Ветерот кој моментално се јавува на подрачјето на Охрид, според информациите од управата за хидрометеоролошки работи претставува слаб до умерен ветер со брзина од 4 м/с од југозападен правец.

Водотеците во западните делови, пред се во сливот на реката Црн Дрим и во охридско - преспанскиот регион се уште имаат тренд на опаѓање на водостојот.

Според информациите од теренот, состојбата на целата територија на земјата е стабилна, се вели во соопштението. На подрачјето на Охрид и Струга е забележана појава на подземни води што се вообичаени за овој терен во овој период од годината. Сметаа во министерството.

За печатење

Прати по e-mail

Порака до авторот

Разгласи