Земјотрес почувствуван во Македонија

Зоран Јованоски	Коментари (5)

И жителите на северниот дел од Македонија попладнево почувствуваа благ потрес по земјотресот кој со јачина од 4,5 до 4,7 степени според Рихтер се случи попладнево во Косово, во Зубин Поток, поточно во местото викано Исток, на 43 километри западно од Приштина.

Станува збор за потрес од помали размери кој не предизвикал штета и истиот на ниеден начин не е поврзан со македонското епицентрално подрачје.

Според податоците од Сеизмолошката опсерваторија на Македонија земјотресот се случил во 14 часот и 38 минути.

Еве што е регистрирано од Сеизмолошката опсерваторија на Македонија.

„Земјотресот беше почувствуван од населението во Скопје со интензитет од 4 до 5 степени според европската Макросеизмичка скала, во Тетово 4 степени, а во Гостивар и Куманово 3 степени. Јачината на овој земјотрес изнесуваше 4,8 степени според рихтеровата скала“, изјавија од сеизмолошката опсерваторија.

За потресот пренесува и Европско - медитеранскиот сеизмолошки центар од каде велат дека потресот бил проследен со хоризонтално нишање на земјиштето кое кај нас траеше околу 20 секунди.

Инаку светот го тресат силни земјотреси повеќе од 1 месец. Серијата тргна од катастрофалниот во Хаити, каде загинаа над 220 000 жители, следуваше земјотресот во Чиле во кој загинаа над 700 лица.

Неодамна потреси беа регистрирани и на дното од Егејското Море,а во Турција во земјотресот пред два дена загинаа 60-мина, а околу 70 беа повредени. Последен е денешниот во Косово.

За печатење

Прати по e-mail

Порака до авторот

Разгласи