Обама задоволен од европскиот план за Грција
10.03.2010 08:04
Грчкиот премиер Јоргос Папандреу соопшти дека Обама реагирал позитивно на европските идеи за решавање на буџетската и должничката криза во Грција и додаде дека тоа прашање ќе биде една од темите на наредниот самит на Г-20 во јуни. Европската унија претходно побара од САД да „подзапре одредени финансиски инструменти“. Во „лудилото на пазарот“ изминатите неколку недели брокерите вложуваа милијарди против еврото и се обложуваа дека Грција нема да успее да го исплати долгот од околу 300 милијарди долари, што доведе до пад на европската валута. Тема на разговорите Обама-Папандреу беше и проблемот за името што Грција го има и со Македонија, како и спорот со Турција за Кипар.
|