Азилантите се враќаат од Белгија

Тања Милевска	Коментари (3)

Белгија претпладнево испрати 41 од економските азиланти од Македонија и Србија назад во родните места, објаснувајќи им јасно дека за нив во Белгија нема место.

„Белгиската држава подготви автобус за српските и македонските државјани кои масовно дојдоа минатиот месец во Белгија за да им овозможи да се вратат во нивната земја или регион во најдобри можни услови. Тие се откажуваат од барањата за азил и под услов да имаат пасош тие утре ќе стигнат во Куманово“, рече портпаролката.

Разочарани и гневни, пред да заминат, бегалците упатија порака и до домашните власти, Македонија е нивна земја и не сакаат да ја напуштат, туку сакаат убаво да живеат.

„Македонија е моја земја, но заради работа, немам каде да одам“, изјави еден азилант.

Белгија во февруари се соочи со невиден бран економски имигранти од Македонија, како последица од визната либерализација. Поради ова би можеле да бидат казнети следните земји кои се на списокот за укинување на визите - БХ и Албанија.

Изманипулираните, таканаречени азиланти, зи заминаа дома гневни на оние кои ги измамија, но гневни и на Владата. Тие пред да заминат уште еднаш го повикаа премиерот Груевски да се откаже од градењето цркви и споменици на плоштадот и парите да ги пренасочи за народот.

За печатење

Прати по e-mail

Порака до авторот

Разгласи