Во петок почнува меѓународниот фестивал „Панфиз“
09.03.2010 15:26
Романската претстава „All five“, в петок, во МНТ ќе го отвори третото издание на фестивалот на пантомима и физички театар „Панфиз“. Од 12 до 16 март, публиката ќе види 8 претстави кои доаѓаат од Босна и Херцеговина, Бугарија, Израел, Сад, Швајцарија и Јапонија. Од Македонија настапува театарот „007“ со претставата „Игра“. Годинава стигнале 40-тина апликации за учество на фестивалот, но скромниот буџет од само 5 илјади евра од Министерството за култура влијаел врз креирањето на програмата на оваа единствена средба на пантомимичари кај нас. „Бидејќи фестивалот не е во можност да ги покрие патните трошкови на екипите што се пријавуваат, вообичаено е да бараме од она што ќе го, на некој начин, бендисаме како израз, по поканата да одржуваме контакти, да видиме што е тоа што може да се направи за гостување на евентуално поголеми екипи, поголеми претстави“, изјави Трајче Георгиев, директор на фестивалот. Фестивалот „Панфиз“ доделува и една награда за најдобра претстава во висина од 300 евра, за која одлучува тричлено жири, куриозитет е што наградата на македонскиот фестивал ја финансира љубител на пантомимата од Бугарија.
|