„Филип Втори“, ќе оперира но ќе го намали бројот на операции

Елена Ацевска	Коментари (1)

Жан Митрев

Филип Втори ќе продолжи да оперира, но ќе го намали бројот на операции. Ваквата одлука е поради скратениот буџет од фондот за годинава за 100 милиони денари помалку во однос на лани.

Од кардиохирургија велат дека со ова се принудени да се преполоват операциите наместо 10 дневно како што беше досега ќе се оперираат само 5 пациенти.

„Нормално е дека со појавувањето на драстична редукција на буџетот дека ќе се јават проблемите меѓутоа не ги правам јас проблемите. Проблемите се и ќе бидат на пациентите бидејќи тие пациенти минатата година беа комплетно згрижени и фала богу немаше ни еден проблем“, вели Жан Митрев.

Денеска фондот за здравство и Филип Втори потпиша анекс договор за исплата на првите три месеци од годинава. Од фондот признаваат дека буџетот на Филип Втори е намален од претходната година.

„Единствена кардиохируршка болница во Македонија е Филип Втори. Нема конкуренција и нема кој друг да ги третира пациентите во Македонија“, изјави Дејан Гацов.

Фондот најави дека ќе се формира комисија од 5 кардиолози. По пример на некои европски земји ќе прават контроли дали пациентот треба да прави операција на срце или проблемот може да се реши со помала интервенција со ставање стент.

За печатење

Прати по e-mail

Порака до авторот

Разгласи