Македонија под снег, нови врнежи ноќеска
09.03.2010 11:54
Променливото и облачно време денеска нема да предизвика позначително топење на снегот. Нови поинтензивни врнежи од снег слични на вчерашните се очекуваат да ја зафатат Македонија веќе ноќеска. Температурите ќе се задржат релативно ниски и во вторник ќе се движат од -1 до 5 степени. Вчерашните врнежи од снег предизвикаа многу проблеми во сообраќајот, а закрчени останаа и повеќе крстосници во главниот град. Најмногу снег во текот на вчерашниот ден наврна на Попова Шапка каде висината на снежната покривка достигна 65 сантиметри. Од градовите највисока снежна покривка е измерена во Крушево - 37 сантиметри, најниска снежна покривка е измерена во Охрид, само два сантиметри. Од АМСМ информираат дека сообраќајот на сите патни правци низ државата се одвива отежнато.
|