Вателе: Не барајте азил, потребни се инвестиции

Наим Вренези	Коментари (3)

Мелкор Вателе

Белгиската делегација во обиколка на липковско. Од прва рака се запознаа со економската состојбата во општината. Признаа животот бил тежок, но повторија ние не можеме да ви помогнеме.

Државниот секретар за имиграција и азил на Белгија, Мелкор Вателе му порача на градоначалникот Садула Дураку неговите граѓани спасот да го бараат во нови инвестиции, не во Белгија.

„Морам да бидам јасен, не постои никаква за азил базиран на економски причини, нема никаква надеж за тоа. Сакавме да бидеме овде и да ја видиме состојбата и таа не е лесна но жителите од овој крај треба да знаат дека со доаѓање во Белгија нема да добијат ниту работа ниту станови, тие ќе бидат само жртви ќе инвестираат пари но нема да имаат никаква полза и ќе треба да се вратат повторно во Македонија“, изјави Мелкор Вателе, државен секретар за имиграција и азил на Белгија.

Дураку му се пожали, никој никогаш не инвестирал во липковско, имал развојни проекти, но наместо нив Владата поддржува културни проекти во главниот град вредни цели 200 милиони евра.

„Го запознав државниот секретар на Белгија со состојбите во општина Липково, која е најнеразвиена во Македонија. Го запознав со фактот дека ниту една влада на Македонија не инвестирала кај нас, ни останува со надеж дека и владата на Македонија ќе се освести но и Европската Унија ќе ја помогне нашата општина“, рече Садула Дураку, градоначалник на Липково.

„Ние како влада исто така сме подготвени некои од тие проекти да ги поддржиме во рамките на овој буџет што го имаме и се надевам дека во соработка со другите институции и општината ќе успееме да инвестираме во неколку проекти“, вели Адбулаќим Адеми, потпретседател на Владата.

Белгијците ја посетија и прешевската долина, од каде исто така има голем број баратели на азил. Азилантите причина белгискиот премиер Ив Летерм да го посети и Скопје. Ова е мал инцидент во нашите одлични билатерални односи му изјави Летерм на Груевски, на средбата одржана доцна синоќа.

За печатење

Прати по e-mail

Порака до авторот

Разгласи