Летерм загрижен од бранот азиланти од Македонија

Наим Вренези	Коментари (5)

Нема никакви шанси за добивање на политички азил од економски причини изјави белгискиот премиер Ив Летерм по средбата со премиерот Груевски.

Ова е еден мал инцидент во нашите одлични билатерални односи кој со заеднички напори ќе го одминеме во наредните недели и денови нагласи белгискиот премиер.

Груевски гарантира дека владата ќе ги преземе сите мерки да го спречи овој проблем. Утре белгиските претставници ќе го посетат липковскиот регион.

„Знаете моја земја се соочи со значителен прилив на баратели на азил особено од липковскиот и кумановскиот регион кој што бараат политички азил. Ги поздравуваме напорите на македонските власти за справување со ваквата ситуација. Мојата порака е дека информациите кој што се шират во северните делови од оваа земја за белгиската миграциона политика се целосно неточни. Мојата земја не дава политички азил на економски бегалци па затоа нема никаква смисла да се патува од Македонија во Белгија, за да се бара статус на политички бегалец“, вели Ив Летерм.

„Владата исто така преку своите министри настапи во медиумите, објаснувајќи вредностите но и обврските од визната либерализација како и тоа дека визната либерализација не значи добивање на азил, така што министрите, потпретседателите на влади беа постојано во јавните гласила во печатени, електронските медиуми и речиси секојдневно во изминатите две недели ги објаснуваа и испраќаа пораки до оние граѓани кои што очигледно на некој начин биле изманипулирани од некого, да престанат да го прават тоа бидејќи ќе си потрошат дел од средствата патувајќи натаму-наваму, а нема да ја постигнат целта“, рече Никола Груевски.

За печатење

Прати по e-mail

Порака до авторот

Разгласи