Експертите сметаат - мерките на Владата се пасивни
07.03.2010 18:11
 | | Леонид Наков | | | |
Општи и пасивни, мерки кои не навлегуваат во сржта туку само површно се занимаваат со проблемите на стопанството. Експертите го критикуваат новиот антикризен пакет на Владата. „Претпријатијата кои не остваруваат позитивен финансиски резултат нема да имаат основа на која ќе плаќаат ДДВ. Оттаму ,многу е значајно да се створат претпоставки од страна на државата, ама тука државата мора со активни мерки, ова се пасивни нејзини мерки и неможе да ја постигне целта бидејќи не го таргетираат средишното прашање, значи како работната сила во овие секторски ориентирани сегменти на македонската економија да се задржи на работа“, вели Леонид Наков, универзитетски професор. Залудни се мерки на хартија кога на терен институциите го блокираат приватниот сектор. „Владата нели однесе одлука за нови кредитни линии, меѓутоа во процесот на реализација стопанствениците наидуваат на сериозни проблеми кои што неможат да ги решат, неможат да се надминат, затоа што се строги банкарските услуги и едноставно претпријатијата, голем дел од нив, поготово малите претпријатија и новите претпријатија неможе да обезбедат гаранции, хипотека, и затоа не ги добиваат кредитите“, рече Марија Зарезанкова Потевска, универзитетски професор. Бизнисмените ги поздравуваат напорите но бараат власта во иднина да остава повеќе пари за стопанството и конечно конечно да расчисти со неефикасната администрација.  | | Марија Зарезанкова Потевска | | | |
„Администрацијата која е бавна, односно од третиот ешалон па натаму можеме да кажеме дека навлегуваме веќе во несакана фаза, коруптивна, меѓутоа тоа веќе неможе да се контролира“, рече Миле Бошков, конфедерација на работодавачи. Антикризните мерки и денеска тема на политичките партии. ЛДП бара државата да ги враќа долговите на фирмите. „Треба да се донесе закон за нулта толеранција на долгувањата на јавниот сектор кон приватниот сектор“, изјави Јован Манасиевски-ЛДП. ВМРО-ДПМНЕ ја пофали Владата за мерките, но за долговите кон фирмите не сакаше да коментира. „За ова ќе имаме посебен друг став, бидејќи ова е тематска прес-конференција и се однесува за антикризните мерки“, вели Елизабета Чингаровска, ВМРО-ДПМНЕ. Владата вчера донесе 20-тина антикризни мерки што треба да го стимулираат стопанството во време на криза која на терен и натаму е разорна особено за приватниот сектор. Едни се спасија, други пропаднаа. Директно погодени од ударите на кризата фирмите од приватниот сектор се снаоѓаат како знаат за да го истуркаат месецот. Состојбата е различна кај компаниите под капа на државата. Дел од нив и натаму тонат во долгови, но спокојно, бидејќи нивниот опстанок им го гарантира државниот буџет.
|